總結上半季英超，車路士雙雄迪亞高哥斯達（DC、圖）同夏薩特都算係最鹹魚翻生嘅球員。上半季聯賽入咗14球嘅DC，原來幾乎冇機會翻生，喺上季一度諗住走人，返前屬球會馬德里體育會。呢位西班牙射手話：「我喺上年夏天的確打算走人，我同家人都好鍾意馬德里嗰邊嘅生活。但車路士球迷無論如何都一直支持我，有咁多人愛我又點捨得走。干地亦係重要因素，當佢確定接任為新主帥，就同我講話我係重要成員，勸我留低。」