【爆相爆片】張栢芝跟謝霆鋒自從於2011年離婚後，兩名兒子Lucas和Quintus跟着媽咪生活，二十四孝的栢芝，不時陪兒子去旅行，上月30日被讀者陳小姐「爆相爆片」分享三母子的遊蹤，原來他們去了曼谷慶祝新年，栢芝帶兒子到Emporium商場內的Imaginia Playland親子館玩樂。
館內赤腳行
陳小姐接受電話訪問表示：「嗰日下晝4點半，我哋見到栢芝一家同幾個朋友上去玩，入場後，栢芝就搵位坐，開始同朋友傾偈吹水，Lucas就自己一個去買嘢食，至於Quintus就去咗另一邊玩，始終個場係畀小朋友玩，可能因為咁，栢芝放心畀佢哋自己周圍走！」
由於親子館規定要除鞋才能入內，從相片所見，栢芝在館內赤腳而行，當日她應該着鞋冇着襪，而Lucas和Quintus都着了襪仔，陳小姐指自己於傍晚6時許離去，栢芝三母子仍在場館周圍玩，似乎玩得十分盡興。
幫忙做繙譯
此外，亦有網友爆料指在曼谷遇到栢芝，當時網友的媽媽在酒店食早餐，想點煎雞蛋卻不會英語，本想向旅行團的領隊求助，身旁的栢芝主動幫忙做繙譯，這位媽媽初時沒認出是栢芝，團友認出後則爭相合照，栢芝都有求必應。
至於上月28日返港的霆鋒，當時被問到會否探囝囝？他說：「屋企嘢唔答。」還以為他不去上海睇女友王菲騷，會陪兒子慶祝新年，怎知卻是栢芝帶兩子外遊。
採訪：王梓嫚
