美國兩任民主黨總統克林頓與奧巴馬同樣利好美股，大家估下邊位在任期間，美股嘅累積升幅大啲？你以為奧巴馬政府不停放水，美股升得最勁？咁就錯了。
奧巴馬將於本月20日離任，華華急不及待幫佢計計數，奧巴馬2009年執政，道指至今累積升1.4倍。但佢唔及克林頓，克林頓1993年至2001年執政八年，道指累積升2.3倍，幾乎係奧巴馬嘅一倍。至於共和黨總統小布殊2001至2009年執政期間，美股又點呢？道指係累跌兩成。
對於克林頓時期股市繁榮，當時身為第一夫人嘅希拉莉居功不少，唔少人都話希拉莉當年係白宮嘅「終極話事人」。美國人家陣選咗共和黨嘅特朗普入主白宮，美股未來四年就少咗個利好因素了，so sad。