今個周末大家諗住去邊威？未諗到嘅話可以考慮吓睇攀石比賽。嚟緊星期日（八日）四點鐘喺奧海城二期會舉行「KAILAS JUST CLIMB CUP 2017」攀石比賽，大會仲邀請到嚟自南韓嘅世界冠軍金佳音（Jain Kim）參賽，等大家可以近距離見到世界級高手嘅身手！2020東京奧運將會加入攀石項目，所以相信呢項運動關注度會急升，咁好嘅機會大家咪走雞嘞！