禮拜三（4日）谷草賽事用A跑道，睇番最近11月30日同一移欄賽事，1至5檔包辦六Win，而且頭馬中分別有「星際武士」、「海翡翠」、「金碧光芒」及「開心有你」擺前帶到，另外「幸運日」守前領馬之後的貼欄包廂位下建功，所以具前速之中內檔馬，絕對有優先留意必要。今戰列陣馬中，第四場「盈豐駿駒」六次跑谷草A欄一哩獲一勝兩位半數上名，今次重返強項且抽得3檔好位，有力重開勝門。另外，第六場「星光大師」兩次跑谷草A欄1200米均入Q，均速馬憑1檔之利，應可坐位望贏。