噚日係《城市論壇》2017年首日開壇，主題係香港社會民生發展，嘉賓包括香港黃金五十創辦人「梁粉」林奮強（圖）同自由黨商界選委陳浩濂等。林奮強席間多次批評民主派唔講事實，凡事只講政治取向。
陳浩濂就批評特首梁振英唔聽意見，令立法行政關係差，造成社會撕裂，認為新特首要同各黨派溝通，促進社會和諧，讓社會重回正軌，其實都係好正路嘅訴求箒，勢估唔到梁粉咁都唔認同。
林奮強話喎，「如果要咁祥和，不如選聖誕老人，佢最祥和㗎啦，但佢又冇統治能力」。同樣在席嘅民陣召集人區諾軒同立法會議員毛孟靜都話林奮強似乎係為CY抱不平，點知林否認係梁粉，形容同CY唔係好熟喎。