英冠球會洛達咸最近喺官方twitter做吓宣傳，呼籲市民見到罪案發生唔好容忍當睇唔到，點知自己捉蟲。球會上載咗幾張球員拎住紙牌宣傳嘅相，點知被眼利嘅網民發現，其中一張相嘅背景有問題，喺中場費克寧頓身後遠處，有兩個相信係洛達咸球員竟然喺草地上小便。唔知算唔算係好彩，兩位仁兄企得太遠實在冇辦法被認出，如果唔係，球會都唔知容唔容忍佢哋好。