由受歡迎歌手到成為全球百大女性，越封殺越紅，大抵便是何韻詩。今年10月，她正式將「18種香港」申請成為社企，沿用社區無限可能的概念，搞市集、工作坊，甚至關於小店的手機App，正式跳出藝人身份，凝聚力量。
「如果冇經歷咁多嘢，可能我仍然商演、拍廣告，但人生其實不止於此」。由被封殺到離開原有唱片公司獨立發展，豁出去卻又越走越康莊，她說希望盡用公眾人物的身份和影響力，為這個城市出一分力。
年尾何韻詩在紅館開個唱，破天荒以集資方式眾籌，理念新穎卻和應者眾，創下三小時爆滿紀錄。「呢個演唱會，某程度係一個社會實驗，打破財團壟斷，由小市民集合力量」。由網絡走回現實，贊助的300個單位，以至集資籌得的30萬，她希望是凝聚力量的起點。「每個人都有佢嘅強項，有啲人喺前線，我嘅強項係用我嘅方法，幫大家打氣」。傘運令她越走越前，她不諱言由年初開始，一度考慮出戰立法會。
「我同朱凱廸二選一，好慶幸我冇選到，否則就係佢幕後幫我」。她說：「公眾人物，最寶貴嘅平台係喺體制外，你可封殺我，但冇得DQ我嘅身份」。就如被割席封殺，她指是大環境下「遲早發生的事」。「強權一直存在，只係冇燒到埋身」。學習在惡劣環境下建立新的空間，她說「困難但不絕望」。由藝發局非建制大勝到民主300+喺選委會超額完成，她說看到希望之火，從無熄滅。
得票率：9.2%