首次參與立會選戰的朱凱廸，由民調出局邊緣到成為新西票王，以84,121高票力壓對手，但當選後即鬧出被恐嚇風波。「選完，我嘅對手可能去晒旅行，我就要不停轉地方住」。民主自決、推動鄉議局民主化，俱是燙手山芋，這個新丁票王直言，已習慣與恐懼同行。「時勢係向政治暴力方向走，芝麻綠豆事可以激起大嘅情緒，變為利益」。一家三口仍受警方24小時保護的他說。
在選舉中變得對抗性
辦公室在立法會大樓9樓，沒有間隔。「我要還海景於同事！」說時一臉認真。「過去幾個月，好似過咗幾年，今年年頭，我仲種緊米」。來不及再插秧，已由米田墮進塵網中。「陶淵明都要一去三十年，先復得返自然」。諷刺的是，他本來已是陶淵明！
拍照地點，他一再提醒：不想超出大樓範圍。「唔係發生咗，就唔會再發生，唔想麻煩啲警察。」 形容九成生活已回復正常，剩低的一成，卻是他最愛。「踩單車時點樣保護你？係咪人哋要同你一齊踩？」周一至周五被困立法會，周六日巡區。「好多時一雞兩味，社區討論會，喺書店舉行，囡囡隔籬睇書，我講talk」。
家人有無投訴？沉思半晌，他呢喃：「應該點都有少少……」他說：「有次佢（女兒）同佢阿媽講：爸爸就話有危險箒，我同媽咪邊有危險？𠵱家都冇自由。原來一個小朋友，都會明白自由自在，係好值得珍惜嘅事」。時間表密密麻麻，但朱凱廸說仍然很珍惜，只因那84,121票，任重道遠。「呢份係有時限嘅工作，希望同市民一齊搵番嗰種能量」。
引發橫洲爭議的討論、甚至親到英國為梁君彥英籍身份尋求說法，他直言都是摸着石頭過河。「立會選舉，令我跳到一個對抗性比較強嘅位置，講官商鄉黑，令我變成矛盾尖銳嘅一方」。他說：「一個人，就算做足七日都唔會做得晒，需要好多個八鄉朱凱廸一齊做先得」。
得票率：13%