因帳篷用料不合消防規例，4月舉行的演唱會，在開演兩小時前腰斬，正當人人疑惑如何收科，身在風眼的「金句王」黎明，卻成功化危為機，個唱翌日順利舉行，更吸引大批市民在「核心外圍」聽歌野餐，引為一時佳話。
資深公關顧問何安達就謂，黎天王善用社交媒體解畫，又能真誠道歉的確抵讚。「一出事就公開承認唔關消防事，呢種承擔，喺今日香港社會，對比好大，香港人確實好耐冇聽過咁真誠嘅道歉」。
不過，擅長為政治人物拆彈的何安達就直言，天王的受眾主要是粉絲，對偶像比較包容，形勢佔優；加上黎明本身有叫座力，粉墨登場在自己的社交媒體解畫道歉，其他媒體紛紛轉載，事半功倍。
「𠵱家好多公關危機都由網絡引發，佢就相反，利用呢個平台化解危機，利用facebook live解畫，除咗夠快，仲可以控制到內容嘅角度，不過都要你有咁嘅號召力，有足夠人關注先會達預期效果，反觀之後有旅行社一樣以facebook live補鑊解畫，但效果大有不如，係因為根本吸引唔到人睇，更遑論其他媒體轉載」。何分析。
得票率：20.2%