練馬師告東尼今早（29日）笑騎騎踩住一架黑色簇新踏板車，不停穿梭於機坪同馬房附近一帶。《動新聞》記者一問之下，原來呢份就係告仔今年生日禮物。
告仔說：「呢架踏板車由我女兒Antonia送給我，她專程由新加坡訂造運來香港，非常實用，我好喜歡呢份生日禮物。」
早前聖誕平安夜係告仔60歲生日，當時佢同太太寶蓮及一對仔女Sean和Antonia身在馬爾代夫度假五日。告仔笑言自己玩咗唔少水上活動，依然寶刀未老。
元旦將會於沙田馬場跑11場日馬，當日告仔有唔少實力馬上陣。其中第十場三班1400米「帝豪寶寶」及第五場四班1200米「一定賺」，均屬近績不俗之輩，有望令東廐順利打響新一年頭炮。