其實港視主席王維基喺今年都係風雲人物，魔童打住ABC旗號，高調參選港島區直選，日日企街嗰份誠意可嘉。見佢咁夠膽反689，相信大家都估到佢係曳仔。
佢同八方話當年時都自爆，喺民生書院讀中學時都係搞搞震分子，打手板罰留堂係等閒事，多嘴就係必然，又話中學冇拍拖，皆因自己又細粒又醜，唔鍾意音樂又唔運動，大悶蛋點有女仔鍾意喎。中學唔得意箒，但魔童細個讀幼稚園時好cutie，講起當年開聖誕聯歡會，幾歲大嘅佢同同學仔一齊扮小矮人（圖），睇番當時都係同其他同學一般高，唔算細粒。
意「相」不到的收穫：魔童自爆扮過小矮人，喺fb留言：「點解當年已經要我扮小矮人？」惹嚟熱論，有人話「原來身形都係三歲定八十」，有人回應「唔通叫你扮白雪公主？」魔童重口味回應：「可能別有一番風味。」