【本報訊】屹立深水埗80年的信興酒樓昨結業，茶市於下午2時已提早結束，下午5時閂閘，老闆及茶客分別在閘外閘內揮手道別，未能入門的街坊紛紛在玻璃門外拍攝，茶客依依不捨，夥計眼泛淚光。茶客王小姐居於信興附近逾10年，但臨結業才光顧，是最後一位茶客，「以前覺得污糟，所以冇入嚟，但呢兩次食過覺得好好味，出面食唔到」。
今辦開放日籌款
信興不少夥計都忍不住哭泣，老臣子潘先生於信興酒樓工作達52年，由20歲打工到72歲，見證羅家4代掌舵人於酒樓工作點滴的員工，「最唔捨得老細好好，老細好似朋友咁，𠵱家冇做，都叫我出嚟飲茶，感情好好」。
信興酒樓第二代老闆大羅先生表示，不捨多年心血結束，但認為結業不應傷感，「冇辦法，年紀大，要退休」。第四代少東羅梓洋感慨結業日令他不捨，但這段日子亦令他成長，「結業係開心嘅事，我哋終於可以退落嚟」。信興今會舉辦開放日，朝11晚8讓公眾參觀，入場費每位24元，所得款項全數捐給明哥購買飯票。
■記者梁佩珊