美斯會喺明年舉行婚禮,迎娶青梅竹馬女友安東妮娜,至於到時會唔會大宴親朋,就要視乎美斯同安東妮娜想邀請幾多朋友。不過,美斯會喺邊日舉行婚禮,至今仍冇定案,最初指會喺夏天或者冬季歇冬期,而夏季嘅話,傳出會係6月24號,而呢日亦係美斯生日,如果係真,咁美斯一定會記得結婚紀念日。