本來有「股壇小辣椒」之稱嘅股評人胡孟青，最為人熟悉嘅印象，可能係因為匯豐股價急挫，喺《交易所直播室》節目落淚嗰一幕。但自從佢提供舊相同八方分享後，唔少人𠵱家對佢細細個嘅冬菇噴泉頭（圖）、呢個好少人見過嘅萌爆相記憶猶新，呢點都要多謝胡爸爸，皆因係出自佢嘅自家設計。至於小時嘅吊帶裙嗱喎，就係胡媽媽嘅原創，細個有專人髮型及服飾設計，都咪話唔巴閉！
八方反而好驚訝，原來佢細細個想做娛樂記者喎，同時又係張愛玲同亦舒嘅粉絲，莫非少女情懷總是詩？而佢好學不休，想升呢而負笈海外，都係香港正能量嘅典範，呢啲咪叫做，香港人嘅精神囉！
意「相」不到的收穫：重溫那些年舊相，青姐都笑不停，仲同八方講，證明佢由細到大都冇整容，一直係雙眼皮；佢話類似輕鬆報道都幾好，唔知有冇人從中吸收到正面訊息？網民Tian Lai Liang就讚青姐「小時挺可愛」。