港人憂慮被赤化的恐懼日漸加深，作家雲海周三在facebook上載一張照片，指周一（26日）在紅磡港鐵站發現在路軌旁邊提醒乘客「不准進入路軌」的警告牌竟然以簡體字書寫，他撰文批評「見到全港大量殘體字牌已無眼睇」，不滿港鐵連「繁體字都消失埋」，認為可見一國兩制、保持港人生活方式50年不變已成笑話，帖文一出即有過千個讚好和逾200次分享。
從他上載的照片見到，該警告牌只以簡體中文和英語提示乘客「已通電路段高壓25,000伏特」和「列車高速行駛」，有網民質疑港鐵被「大陸化」，有人則為港鐵解畫，稱港鐵其實是怕有內地人因不諳繁體字誤墜路軌，「用心良苦」，亦有人直指該警告牌「只供蝗國人（內地人）閱讀」。不過，有網民留言指正雲海，指有關警告其實是以梅花間竹的方式展示正體或簡體版本，「唔信可以行前或行後一個牌睇吓」。
港鐵回覆《蘋果》查詢時亦稱，紅磡站月台和路軌旁的確設置有多個不同文字寫成的告示，提醒乘客嚴禁進入路軌，包括以中文繁體字、簡體字和英文版本，進一步加強乘客資訊。
【網民咁睇】
Neville Wong：啲大陸人喺車度食嘢，捉到佢就話唔知唔識睇繁體字，所以就開始不如寫殘體 唔好再可以話唔識睇
Hong So：因為好多大陸人真係會走落路軌過對面月台
Alchi Chan：可能係大陸淘寶落嚟嘅呢？！
Jack Fong：見過佢地（內地人）跌iphone，真係會跳落去執
Lapchun Au：深港融合