靚女真係無敵㗎，睇睇袁莎妮Shirley就知啦！呢位香港總商會百年來首位女一姐，樣子標致學歷高，中學就讀於嘉諾撒聖心書院嘅佢係校內風頭躉，動靜皆宜所以粉絲極多，佢向八方提供嘅一張中學校服look（圖），嗰種無添加清純令人嘩嘩聲，有人仲話佢似朱茵，笑得好甜冧死人。
其後佢考到獎學金去咗英國牛津大學讀書兼一級榮譽畢業，做過政府然後跳入商界；呢啲努力向上嘅成材小故事，相信感染唔少人以佢做榜樣。而佢擔任Head Girl時粉絲無數，就好多人恨都恨唔到！
意「相」不到的收穫：Shirley話舊相刊出後多咗好多師妹喺fb add佢，「好多失散咗嘅朋友、師妹都出現番，同我相認番」，有人讚佢冇乜點變，「我話點會吖，滄桑咗咁多」，而敍舊亦講起條校裙：「𠵱家點會着得落吖，哈哈！」