【本報訊】屹立深水埗80年的信興酒樓於數月前因屋宇署清拆令，其中一個隸書字體書寫的霓虹招牌拆落，事隔不足半年，酒樓亦宣告結業，點心車自取點心及設有卡座的舊式酒樓又少一間。羅家三代考慮種種因素，情願酒樓在承載最好的時光中光榮結業。信興酒樓仍有燒腩卷、臘腸卷、豬肚燒賣、雞球大包等懷舊點心，茶客皆說不捨，但老闆卻說結業不代表結束。
酒樓的裝潢及椅桌除了有種70年代的懷舊味道，酒樓有很多面鏡子，原來為了能夠一眼關七，侍應站在一個位置，可以看到左右兩方的茶客舉手，以便能盡快處理茶客需求。
第三代接班人細羅先生接手信興酒樓已34年，酒樓結業對他而言有喜有悲，喜是終於可以休息，悲亦是終於要休息，「唔捨得梗有，但形勢、人手、維修，同好多負擔唔係咁理想」。酒樓太舊，需要裝修，但重新裝修後失去原有味道，羅家便打消念頭；各人年紀大，亦想退下火線。
熟客不捨茶味人情味
第四代少東羅梓洋回流香港僅8個月，他指剛回港時，只懂盤算「做唔做得住、有冇錢賺，係典型外國返嚟嘅小朋友，只講錢」。他在信興酒樓僅8個月，心態上有不少轉變，「去到一個時候慢慢鍾意呢個地方，想將件事保留，當初以為自己好豁達，唔做就唔做，到最後唔捨得，係情緒上嘅轉變，亦都係歷練」。
熟客黃氏一家視信興為飯堂，每日光顧已逾10年，黃氏兄妹指人情味及舊式是信興酒樓優勝之處，「呢度啲茶有茶味，飲過就會知分別」。新茶客鄭小姐首次光顧打卡，之前亦不知信興酒樓的存在，「睇新聞信興就嚟結業，80年歷史，今日（21日）做冬，就嚟食好啲」，她指踏入酒樓第一感覺是「正，好懷舊，絕對經典，細個時嘅感覺，一路影緊相」。
■記者梁佩珊