秋冬天氣適合遠足、露營，不過行山人士應盡量帶走自己的隨身物品，避免在郊外製造垃圾。愛好行山者Celia與友人於27日近中午12時，在大帽山上路經一個破爛的帳篷，揭開後發現帳篷竟是裝滿垃圾，當中甚至有不少可以再使用的地墊、剪刀、營燈，以及屬可回收的水樽、鋁罐等等，令她決定拍片並將片段公開。她表示「我嚴重警告所有唔識回收同處理自己垃圾既人咪X再行山露營扮親親大自然」，而最後她和友人用了廿多分鐘，才能該袋重量逾10公斤的垃圾由山頭運到垃圾桶處。她在垃圾堆中發現一張寫有「L Wan」的會員證，撰文指若該堆垃圾真的是由「L Wan」留下，而「L Wan」又不會作出任何改善，「咁，我懇請你以後唔X好再踏入郊野公園任何一步」。有網民指出，該張卡片是某網吧的會員卡。
Celia推斷該堆垃圾不只一人造成，而內裡的物品不少都能再用，包括鐵飯盒、剪刀和露營燈等，但因太骯髒和有味，自己亦沒有大袋，故只能將較細把的剪刀撿走，其他唯有扔棄，「（佢哋）根本係有能力執返走，唔拎返落山嘅，就唔好充大頭鬼帶咁多嘢上山」。
Celia本身亦有和朋友開設專頁「結束一桶專棄」、「神期食品」，提倡廢物分類回收再造。她回覆本報時指，平日行山都有看到垃圾，「但冇一次好似今次咁大件咁重，離哂譜！」她在該帖文提到，自己喜歡行山，每次在山上看見垃圾都會「無明火起」，但會安慰自己「香港人唔係咁冇質素，亦都相信行山人士多數都係珍惜香港大自然」，會當作例如食物包裝等垃圾只是行山人士「唔小心跌出黎」，惟這次事件「真係觸及左我條底線」，「做乜X野係大帽山山頭會有一個爛左既營仲要係裡面？」因當時四周無人而且帳篷位置古怪，她便打開帳篷，竟發現帳篷內全是垃圾，惟部份用品可再使用或回收，「剩低個兩成既紙巾廚餘先係垃圾」。
其後她與友人不想看到垃圾放在路邊，唯有一起將垃圾由山頭運到垃圾桶及垃圾車到達的地方；她又指不明白物主「點樣可以用到呢個營周圍都係窿」，令她們運送時「一路行啲垃圾就一路跌」，要邊行邊執拾，沿途亦不斷受盡白眼，因路人或誤會該堆垃圾由她們製造，「無辜地變左做代罪羔羊」。事件令不少網民大感憤怒，紛紛留言感謝她們為大自然的付出之外，亦留言直斥棄置垃圾者缺德，有人感嘆有些人士只當郊外是玩樂場地，「唔代表佢哋鍾意大自然」，更曾見過「雙人自動充氣地蓆、營幕掉喺現場垃圾桶內或旁邊」，指出其實大家只是想享受大自然，「你掉一件垃圾，大自然就少一份大自然氣息，想享受大自然嘅朋友唔該少製造一件垃圾」。
新年假期將至，亦是行山及露營好時機，Celia提醒大家在新年時都要做個有品德的行山露營者，減少製造垃圾，回收分類，即使有垃圾都要記得帶走丟棄。她又相信事件與有人聖誕長假上山玩樂有關。她說每逢長假期後，山上垃圾會明顯比平日多，今年更「行兩步就有一舊垃圾」，「好多新手（行山）為咗影相打卡，例如睇日出、露營，但對自己的垃圾就零責任心」。她說自己並非環保人士，只是盡力清理垃圾，提醒行山人士帶走垃圾是基本，最好是避免產生垃圾，如帶備可重用水樽和餐具等。
【網民點講】
Ryan Lam：唔教唔得，又浪費又懶
Pan Nardo：辛苦你了，真係心聲，香港最近多左人行山同露營，自己垃圾自己帶走，唔好扮親親大自然
Louis Yip：咁都得……真係遍地人渣！
Angus Fung：多謝你為大自然既付?！
Raco Ma：自己垃圾自己帶走，這是所有行山人士的潛規則，真心希望留下這些垃圾的人見到這條片，可以謝謝這名女士。
Cris Fong：點先可以用到個營咁爛，啲野唔貴既咩...唔識錫住黎用