因為美金強勢，港元兌外幣不斷升值，吸引港人外遊，不過根據旅遊業議會公布的明年的新春團（2017年1月26日至2月2日）團費數據，普通團費不減反升，平均加價約2%，最多人選擇的日本本州5天團加價高達15%，而南韓團亦加價2%。
不過，東瀛遊執行董事禤國全向本報表示，明年新春團尤其日本團大部份只加5%，數據出現大額增幅，只是因為旅行社開了數團高級豪華團，令平均數加大所致，同時日圓貶值，令部份廉航推出更平機票，搶走業界生意。
禤國全解釋指：「今年同去年比較都係加幅5%左右，旅遊業議會通常用最貴同最平嘅團加埋一齊計，所以價錢突然高咗，但市場上平均加幅唔算好多。只係多咗一班人想參加嘅比較貴嘅旅行團，我哋都有開高級豪華團，泰國，新加坡賣1.6萬元，日本賣到4萬元。」
儘管日圓貶值，但旅行社未必得益，因為廉航公司會推出更平的機票，搶走旅行社生意，禤國全指出：「對一啲單賣機票同酒店嘅旅行社影響最大，如果做團嘅旅行社，就睇靠產品、信用同服務好唔好，但廉航對做平價團嘅影響都幾大。」
除了日本之外，東瀛遊新春團去澳紐、東歐、西班牙及葡萄牙等地報名人數亦錄得雙位數增長。