英超護級分子史雲斯喺周二將上任只得85日、領軍出賽11場嘅美籍領隊巴特利炒魷!天鵝自10月初炒咗古杜連,請58歲嘅巴特利掌帥後成績都冇乜起色,踢完18輪聯賽得12分,只係以較佳得失球壓過侯城排尾二,佢哋喺拆禮物日主場俾韋斯咸大炒4:1,相信都係巴特利食無情雞嘅導火線。此外,英國有多個博彩網站都列曼聯名宿傑斯係接任天鵝嘅大熱人選,其他候選人仲有柏度、盧維特、高文同鶴臣。