新一年就快到，好多人會訂立新年願望，不過倫敦商學院一個有趣研究就發現，有四分一人喺新一年第一個星期，已經放棄實踐全年目標，而放棄新年願望，人或者會活得更健康快樂咁話。
倫敦商學院研究行為學教授Madan Pillutla話，如果訂立嘅目標未能夠完成，個人就會一直拖，拖下一個月，拖下又一年，最後可能完全放棄實踐，個人就會一蹶不振。
Madan批評，好多人都對自己達成目標能力過份樂觀，而且無視過往失敗經驗，許下一啲唔現實嘅願望，例如1星期去5次健身室，佢話，不如大家唔好畀目標自己，反而更加容易達成你心裏所想，1星期自動會去1次健身室。總括而言，腳踏實地，放棄ff（最終幻想），人更快樂。