今個聖誕節，唔少朋友過大海，試一試新開嘅賭場酒店，「沈大師」沈振盈亦唔例外，佢好多時都趁四日長假過大海，巡視人哋嘅業務，可惜佢今次冇乜運，未能喺賭枱贏番使費，不過佢應該可以喺股市贏番嘅。
沈大師呢次入住年中新開嘅永利皇宮，佢大讚呢間新酒店環境幾好，食肆又唔錯。佢順便睇過幾個賭場，發現丁財兩旺，香港人同內地人都多，咁當然只係講緊中場喇，貴賓廳受到阿爺嘅政策影響，應該仲要捱一段時間。
佢估計，澳門賭業12月條數應該幾靚，建議可以低吸銀娛（027）同金沙（1928）。雖然佢喺賭枱冇斬獲，贏唔番今次過大海嘅使費，但佢應該喺濠賭股身上贏唔少㗎喇。