Boxing Day啱啱過去，但社民連主席吳文遠又大條道理收禮物，皆因噚日係佢40歲生日！
文遠大將軍喺facebook搞笑宣佈：「今天我……夠秤選特首」，其後大數自己勝過現時4名特首熱門人選之處，包括鬍鬚黑過曾俊華、好打過林鄭、IQ高過葉劉以及多頭髮過胡官。唔少網民好友睇見都笑咗，連時事評論員李慧玲亦鼓勵大將軍：「咁就開記招宣佈參選啦！」
大將軍就話，噚日主要同屋企人同佢最錫嘅姪女食蛋糕慶祝；問到大將軍有乜嘢生日願望時，佢就話冇乜特別，最開心係自己雖然年屆40，仍有一頭黑髮咁話，唔知有冇同黨友毛哥交流下護髮心得？