財政司司長曾俊華向中央請辭至今兩星期都未批，但佢都冇齋坐乜都唔做，連日落區又見人，打好基礎爭出閘。一早表明撐薯片叔叔去馬嘅自由黨榮譽主席田北俊，就趁聖誕外遊滑雪，但佢人在澳洲心在港喎，最新喺雪山po嘅相，都講到薯片叔叔喎！
田少貼文話「田毛毛話影相一定要Chok，所以我上到Mount Arlberg，都要Chok住影」。咁點解田毛毛要田少chok住影相呢？睇埋hashtag#我要多like過薯片叔叔就知嘞，似乎有意同財爺一較高下。
有網民就做花生友，問佢係咪想選特首？如果係就一定支持佢（雖然冇票！）。另有網民叫佢快啲回港繼續ABC，「Anyone but Carrie（林鄭），否則香港又有難！」