建屋修路不斷 居民盼多綠化

建屋修路不斷 居民盼多綠化

【本報訊】屯門全年有233小時屬高健康風險,為全港空氣污染最嚴重地區。居於良景的張先生表示,屯門空氣渾濁,「同旺角差唔多」,近年情況越趨嚴重,導致鼻敏感發作次數增加,「以前1年先發作10次,近呢幾年就1個月都2至3次」。他認為是因為內地有污染物吹至屯門,港府應正視問題,改善屯門空氣。
居於屯門碼頭附近約20年的蔡先生指,屯門空氣污染嚴重因工程多,但綠化地帶少,認為政府應減少建樓,「泳池嗰邊起緊樓,但如果攞嚟綠化好啲」。

鼻敏感更嚴重

居於友愛邨的陳同學(圖)則表示,相比旺角等地,屯門市中心空氣污染仍然可以接受,「但工業區嗰邊比較嚴重,有時會見至白色同灰色嘅煙排出」。她又稱,空氣污染嚴重,如多車的日子,鼻敏感會更嚴重。
另一街坊冼先生稱,屯門多道路工程,或多或少影響空氣質素。他說5歲的孫子患有嚴重鼻敏感,假期搬來與他同住時,發病更厲害,認為理論上應與空氣污染有關,但仍會於周末工程停工時帶孫子外出,「始終空氣好嘅時間多過唔好嘅時間」。
■記者李詠希