最近兩單有關露營車嘅官司喺香港引起爭議，令人覺得法例跟唔上潮流；喺外國，露營車就好普遍，仲有人會當車係屋企。西布朗中場占士麥堅恩最近話，要捐架價值1,750鎊（約1.7萬港元）嘅露營車，畀一位叫Lisa嘅無家可歸大肚婆。Lisa雖然有咗孖胎，但最近同另一半露宿；麥堅恩話希望小朋友出世後有瓦遮頭，所以決定咁做，「作為爸爸，我認為BB唔應該冇地方住，所以我願意幫佢哋買架露營車，等佢哋唔使捱凍。」
麥堅恩喺禮拜一場英超都有為西布朗後備上陣，仲差啲幫球隊搶到分，佢哋作客阿仙奴守到足大半場，但去到86分鐘捱唔住，俾今場擔正嘅前鋒基奧特一箭定江山輸0:1。