札幌迎來五十年不遇大風雪，新千歲機場癱瘓，不少哈日族對這場阻滯媽聲四起。萬幸在，強國大叔大媽沒有拳打地勤，算㗎仔好彩。否則強國同胞網上一呼百應杯葛罷買，北海道的自由行比香港的縮得更快，飯煲廁板大劈價都無人吼，安倍經濟想唔重創幾難。
如果下列香港旅客人在札幌，會怎樣應對？
某專上教育校長緊握拳頭：「定啲嚟，不畏風雪的祖國一定會派戰艦和戰機來接載我們！」一片赤心令校長等了N個七日，風雪過去了，仍在等，雪人融化了，仍在等，等到花兒也謝了。
被不連任那位狼先生，僵硬住臉孔：「我和特區政府已經聯絡了強力部門幫助港客，我無直接打電話俾高層，無要求我一家人排頭位攞機位先。這是航空公司的courtesy deli。」狼家優先上機，位位皆辛苦。滯留者，包括明星藝人，哽咽。
在巨大變化下反口那位天堂高官：「我真係不甘心，札幌待慢旅客，香港旅遊業點會輸俾日本！我上任後一定把西九故宮入場率推高，將M+地皮規劃為人造雪地，聖誕新年市民可以去西九滑冰睇藏品！」等足四日的旅客聽到西九＝札幌，肯袋住先？