白鴿黨前主席卿姐着吊帶裙報新聞一幕，相信大家記憶猶新，閉起雙眼亦能諗起係乜樣；但卿姐着校服裙現身，大家又見過未？卿姐近日喺facebook上載咗一幅攝於1967年喺跑馬地瑪利諾中學讀中三C班時嘅舊相，話要考考大家眼力，問大家搵唔搵得番佢出嚟？之不過呢，搵到都係冇獎嘅！唔少白鴿黨人一眼就認出卿姐，新任副主席李永成信心十足咁話「好易搵啦」；有網民亦即刻指出卿姐企喺邊，卿姐見到黨友認得出中學少女時代嘅自己都好開心，話自己個樣由67年起至今無變過喎，大家睇睇上排左二嗰位少女，認唔認得出係卿姐呢？