財政司司長曾俊華至今仍未獲中央批准辭職，但從曾連日落區及會見政界人士，可見已開展選舉工程。有政界中人指，曾今次參選的最大挑戰非中央何時批准他辭職，而是如何爭取左派選委支持，他聽聞傳統親北京建制及左派陣營中，願幫曾俊華的人寥寥可數。
形象親工商泛民
該政界中人指，相對林鄭月娥，曾俊華與愛國陣營關係一向「麻麻」，多名港區人大、政協均對他說，曾俊華過去甚少與他們交往，與林鄭過去主動與他們打好關係有別，曾俊華想拉攏他們支持，「恐怕冇咁易」。
另一政界中人則說，曾俊華過去予建制派之感是親工商界、親民主派，「加上好多建制派覺得林鄭係支持CY、而曾俊華就拖CY後腳，CY好多政策做唔到、甚至冇得連任，都入埋曾俊華數，試問點會支持佢」。
事實上歷屆特首中，董建華及梁振英固然獲左派全力支持，就算曾蔭權角逐連任也獲部份民建聯中人拉票，故此若左派人士決心反曾甚至攪局，「曾俊華就算民望再高，恐怕都幾頭痕」，他聽聞曾近日約見民建聯尋求支持，「但聽聞反應唔好，冇乜人肯幫手」。
有知情人士指，左派陣營已將下屆特首希望寄託於林鄭身上，「若左派陣營齊心支持林鄭，中央不能不考慮左派陣營想法，對林鄭係好大優勢」；假若林鄭最終不去馬，左派陣營或再游說另一人出選，「最現成、又足以勝出嘅人選只有曾鈺成，雖然唔少保守左派對佢有意見，但總好過畀曾俊華當選」。
季陶
周一、三、五刊出