將會喺元旦日同日本靚女球手福原愛結婚嘅中華台北乒乓球選手江宏傑，喺拆禮物日收到一份最好嘅聖誕、新年，甚至新婚禮物，因為佢喺年度國手選拔賽中勝出，奪得出年代表中華台北出席世大運及世乒賽等大賽嘅參賽資格。江宏傑之前已經講過想喺世乒賽度同老婆仔一齊打混雙，𠵱家佢真係攞到參賽資格，究竟可唔可以實現願望，就要睇日本乒總嗰邊嘅安排嘞！