英國女子跳遠選手梳雅絲喺里約奧運得第八，但係作為一位代表國家出戰奧運嘅選手，理應都會受到國民嘅支持吖。不過，現年22歲嘅梳雅絲近日就受到網絡欺凌，有一個twitter叫「Pround Englishman（驕傲嘅英國人）」嘅用戶竟然不斷用啲種族歧視嘅說話侮辱梳雅絲：「英國係屬於白人㗎，你快啲死返非洲，你唔應該喺度出現。」不過，當網民報警之後，佢就即刻刪走自己嘅twitter，扮到自己冇出現過咁。