聖誕節喺陪家人或者愛人之時，不妨探吓有需要嘅老人。公民黨黨魁楊岳橋喺fb上載短片，片中嘅佢唔係叫Alvin而係「L墳」（圖），仲話唔介意喺前面有個死字或者毒字，佢亂中有序嘅髮型，以及縮吓縮吓嘅表情，令佢嘅毒男演繹相當出眾。
查實AY都係搞下gimmick，宣傳普天同慶嘅聖誕節，唔一定要約佳人，可以探訪吓老人，以及唔好忘記要陪吓屋企嘅長者。L墳探過早前遇到車禍受傷嘅街坊，提及傷後覆診等好耐，屋企人照顧時吃力，街坊亦提到擔心入住院舍好似好無尊嚴，仲大讚全民養老金，但就話唔知點申請，L墳就笑指仲未批出，要搵梁特追數喎。