一班消防員4年前成立單車會，與視障人士騎雙人單車，消防員當領航員在前控制兼任導遊，為隊友描述沿途風景，後座的視障隊員則負責發力。雙人單車需建立默契，步伐力度一致才不會跌倒，有視障隊員指全靠消防員給予膽量，才學會主動表達遇到的困難。
「唔係鬥快 係講享受」
23歲的朱健驊（朱仔）先天左眼只有一成視力，右眼全失明，但無阻他熱愛運動的心。他自幼習泳，又練習長跑，約年半前加入單車會，其後更參與三項鐵人比賽。朱仔說自己平衡力不佳，踩車易跌倒，「有次同領航員力度唔啱，一起步就反咗車，都驚㗎，嗰陣先知原來單車咁危險」。
後來他發現與消防員能坦誠溝通，一直堅持下去。朱仔說坐後座主要負責發力，亦要仔細聆聽指示，現時更會邊踏邊談心事，領航員也會為他描述沿途風景，「雖然睇唔到，但佢哋會形容畀我知，例如有座樓有棵樹，咁我就有個概念圖喺腦度，原來周邊有咁多嘢」。
消防員更讓朱仔學會鼓起勇氣與陌生人溝通，「以前唔敢畀人知我係視障，但可能佢哋份職業要夠膽救火救人，就畀咗啲膽我，𠵱家我唔介意用白杖，表達畀大家知我係視障」。他說現時專注三項鐵人運動，期望參加更多比賽，包括2020年東京殘奧。
消防員兼單車會召集人王洪烈指，於2012成立的單車會目的是召集熱愛單車的消防員，原沒想過教視障人士，及後有兼任領跑員同事提議，便與盲人體育總會合作開課。他說剛開始時擔心與視障人士溝通須避忌，但雙方慢慢建立默契，變成無所不談的好友。
王又說從中獲得成功感，亦使自己更開朗，「單車可以係鬥快，但同佢哋踩就係講開心，一齊享受」。他指領航員成為視障人士雙眼，同時需不斷指示，「例如有暗斜時，就講定前面20米有個彎要上斜，大家一齊發力」。
單車會現有150名登記會員，每周一次恒常活動，每次有10多名視障人士參與，連領航員和義工約40人。視障單車初學者須先踩單車機，外出踏單車時要戴頭盔及穿螢光背心確保安全。
■記者李詠希