最近榮升做劉太嘅甘比（陳凱韻），之前就同媽媽帶住一對仔女秀樺同仲學去行街街，三代同堂大晒幸福。但日前甘比就將囡囡秀樺交俾家姐陳詩韻，等佢哋年紀差不多嘅表姊弟妹，一齊到中環歐陸嘉年華玩，原來呢個露天大型嘉年華，周不時都會吸引到好多藝人去拍拖，同埋係一個好好嘅親子活動。
何猷亨、陳瀅、林作、麥明詩
今年2月，當時猷亨仲同陳瀅熱戀緊，佢就約埋好友林作同麥明詩，兩對小情侶咁去咗中環嘅歐陸嘉年華玩，可惜o依家猷亨已經同陳瀅分咗手，麥明詩同林作嘅戀情又撲朔迷離。
張栢芝
都係今年2月，栢芝帶咗囝囝Lucas和Quintus去到中環嘅歐陸嘉年華耍樂，咁啱得咁橋，當日吳鎮宇嘅老婆王麗萍都帶咗囝囝Feynman去玩，就係咁佢哋兩家人一齊喺玩機動遊戲。
李嘉欣
今年1月，嘉欣BB就被影到帶住囝囝許建彤（Jayden Max）去咗中環嘅歐陸嘉年華玩聖誕老人機動車仔。
陳豪
三年抱三嘅陳豪，今年1月，細女Camilla仲未出世嘅時候，佢就帶住腹大便便嘅老婆陳茵同二仔Nathan去咗中環嘅歐陸嘉年華玩攤位遊戲。
G.E.M
去年2月，G.E.M.與巨聲幫馮允謙去到中環歐陸嘉年華，之後G.E.M.就將啲相上載到fb同大家分享，就係咁G.E.M.又多咗一個緋聞男友喇！