日本熊本縣地震期間，各地包括香港都施以援手協助災後振興，熊本縣營業部長兼幸福部長熊本熊Kumamon喺震後首個聖誕節來港，去到鑽石山荷里活廣場出席愛心競投感謝大會，答謝港人對熊本縣嘅支持，公佈多位成功競投熊本熊親筆簽名著作《我是熊本熊的上司》結果等，又同來自幼兒義工團體BB醫生嘅3歲同5歲小小義工大跳開心舞。
熊本熊仲透過助手同繙譯向粉絲say thank you，佢話好高興可以再次來港同大家一齊過聖誕，透露重建後嘅熊本縣已經重新出發，仲即場介紹多個熊本縣好去處，歡迎大家有時間去探吓佢。
荷里活廣場特別舉行「Kumamon精品店」聖誕義賣，只要捐款就可以獲幸福和紙兩張，畀大家寫上心意並摺成紙鶴，向部長送上佳節祝福。