李佳芯喺受訪時就話自己冇男友，但有發展中嘅朋友，之後佢仲想轉移話題，但繼續被追問，係咪上咗位拍拖要低調，有男友都唔認？佢話：「我由第一日開始已經係咁講，希望大家可以留意我嘅工作，同佢係傾到偈，大家都可以做好朋友。」為事業放棄愛情？佢再話：「我冇放棄，我都認發展中，我呢個年紀，當然想兩樣都有啦。」
