調查指市民收到最多又最無癮的聖誕禮物，第一位和第二位分別是水杯和相架。由此類推，預測：
一，香港人收到阿爺的大禮：落實反口蛾做狼的繼承人。點止無癮，無命！
二，反口蛾收到一個老人味的抱抱，好like，隨即食住霧霾上京以為實有筍嘢，卻是收到阿爺最終放出來的：601票！係咁，自己諗掂佢。頂！無求變無癮！
三，狼英收到外交部肯定唔會走數的大禮：你咁年輕有為愛國愛黨，外交部一直很關心你，就派你外駐敍利亞，幫阿勒頗揪出敍獨黑手啦！狼食住龍蝦，哽咽。
四，港大校委容易頭暈作嘔，報警後會收到一份超爆大禮：警隊某某上傳過來的裸露下體照！如果眼唔眨一下，不屑說「我睇佢唔起」，通過考驗啊！下下下屆特首，無走雞，過你600票！
五，曾主席人在閘外指指點點，收到的禮物，是一盞燈，瞪住盞燈，主席自我感覺已經進化為神燈！
六，葉劉一步一眼淚，感動中南海那批神明，慷慨送她一份貼身小鮮肉大禮！愛情長久過事業嘛，情關易闖，紅燈難衝，小心被二度撞飛！