【本報訊】港鐵南港島綫下周三通車，區內居民未通車先興奮。其中鴨脷洲海怡半島9,813個單位的住戶，等足逾20年，終於有地鐵到，不用再飽受香港仔隧道日日塞車之苦。海怡半島站通車，不如聽聽兩位第一代業主點講。
記者：朱連峰
個案一
麥小姐以約300萬元買入一個實用面積600多呎的三房單位，她與丈夫已退休，層樓供16年，去年已供滿，「我哋當時唔係直接幫發展商買，係幫地產代理買，即係二手樓花，佢哋已賺咗一浸，如果再早少少買，應該200零萬買到」。
她說海怡半島近海，空氣清新，香港仔那邊近年空氣較差，自己年紀大又氣管不好，呼吸都差些。屋苑無論環境，交通配套亦見齊備。至於香港仔隧道長年塞車的問題，她指「要睇幾點出街，以前做銀行7點出門口，梗係唔塞車，但今日未夠8點已塞隧道」。如星期五晚，「試過由呢度（傍晚）5點至6點搭車出銅鑼灣，（隧道）塞個幾兩個鐘，慘過返大陸」。
但整體而言，滿分100分，麥小姐對海怡半島評價80分。但對於地鐵通車，麥小姐就冇乜感覺，沒有特別開心，笑言因為「我都唔使返工，但有啲人就好興奮」，但相信通車會對屋苑樓價有正面作用。
講到香港樓市，她一個字「貴」形容。當年的打工仔比今日容易買樓，她人生第一次買樓，於結婚後1985年買入香港仔單位，樓價30多萬元，月供一萬元有找。兩公婆做銀行，好處是員工享有特低按揭息率，只約3厘。之後細屋換大屋，搬入海怡。
但今日就算月入5萬至6萬元的人士，都未必敢買樓，一人之力買樓好難好辛苦，起碼兩公婆搵10萬，先敢考慮購買一個價值800萬至900萬元的單位，「仲要肯定你份人工是否在未來20年內咁穩定」。
個案二
葉太亦是首批海怡半島業主，對於地鐵終於通車，她感到開心。因為香港仔隧道是不能預計何時會塞車，有時並非繁忙時段，例如早上10時，很多人已上班和上學，但照樣塞車，到下午4點，又開始塞，所以出街是很難預時間，「試過屋企出銅鑼灣，要一至兩個鐘」。
通車效應，葉太相信屋苑樓價會升一成，但她認為就算樓價不升，租金都會升，「啲人返金鐘、灣仔及中環近咗，11分鐘出到去」，比現在方便得多。
葉太亦分享她的買樓經歷，她說現在樓價貴，年輕人有老人家幫助置業是很辛福，因為她們這一代，要靠自已一步一步做業主。葉太和她的同學及朋友，結婚後都是租間房住儲錢，「自己又慳啲囉，儲到咪供返層囉，冇話一出來就話要上車，冇咁諗，個個都唔諗靠父母，因為以前嗰代生得多，個個生6、7個，你幫得幾多仔女，全部靠自己，𠵱家（新一代）其實好幸福，啲樓雖然貴，但有人幫手！」但以前樓價平，儲幾萬首期較易。不同的年代，面對的樓市問題也不同。
葉太中學畢業後，17歲便出來工作。之後結婚，兩公婆一齊儲錢，20幾歲做業主，第一層樓是筲箕灣舊樓，當時80年代初，20多萬元就買到一個500多呎兩房單位。之後再換海怡半島，1995年以約400萬元買入自住至今，現已升值至逾1,000萬元。葉太又認為香港人多地少，又多內地人來港，政府要推低樓價是「冇得搞」。