巴塞前鋒尼馬已經返到巴西過聖誕，周四喺聖保羅仲搞咗場慈善賽，為遇空難嘅查比高恩斯籌款，由尼馬朋友隊對羅賓奴朋友隊，除咗呢兩位主角，卡卡、加比爾捷西斯等都有落場。呢場波娛樂性就認真大，好似羅賓奴隊就有個後衞，求尼馬唔好扭過佢。尼馬朋友隊就以13:9勝出，比數唔係最緊要，最緊要籌到善款幫到查比遇難球員家屬。