下周二（27日）沙田舉行今年最後一次賽事，編九草兩泥，而草地用A加3跑道。
睇番最近11月12日同一移欄七場轉彎路程賽事，除了練馬師蔡約翰的「西方快車」走外叠勝出外，其餘頭馬全部於彎位守於貼欄或二叠位置競跑，就算練馬師何良的「精彩時機」、練馬師容天鵬的「嘉應小子」及練馬師蘇偉賢的「世澤之星」等後上馬亦是貼欄慳位留力，等到入直路才移出衝贏對手，大外檔馬要像練馬師蘇偉賢的「經典帝國」般夠快切入才能克服劣勢。
今戰列陣馬中，配上騎師祈普敦角逐頭場五班1200米的「喜威威」曾贏過一場，正是於A加3欄建功，呢匹告達理馬房旗下馬亦係全場唯一贏過此移欄之參戰馬，憑較佳場地性能可重開勝門。
另外，第六場四班1800米的「尊兄」三次角逐A加3欄獲兩勝，練馬師鄭俊偉安排重返強項並用上騎師莫艾誠，千祈咪睇小。
至於兩場泥地均跑1650米，上次田戰兩匹同程勝出馬為霍利時的「勇晉神駒」及蔡約翰「活力寶」，都係守第二位入直路建功，故此第七場大摩的「合拍飛龍」及第十場蔡約翰的「紅運精彩」等擅跑泥地之前置馬不妨優先留意。