聖誕節有乜好去處？睇雜技啱唔啱心水？意大利嘅世界級雜技巨星Andrea Farnetani（圖），喺今個聖誕節將亞洲首演獻給apm，今日中午為觀眾帶嚟連場精采表演，將愛同笑聲傳播至香港。
Andrea Farnetani係多才多藝嘅藝術家，佢對當代小丑嘅研究，啟發佢學習唔同馬戲團嘅技巧、舞蹈、戲劇同魔法，而佢嘅巴閉之處，係不時獲邀喺世界各地演出，兼且喺國際賽事攞過獎。
不得不提嘅係佢嘅得獎作「Trick-Nic」，以經典紅白色格仔枱布做道具，完美咁結合雜技同魔術表演，試問又點會唔令大家睇到拍爛手掌、目瞪口呆？Andrea Farnetani今次嚟到香港，確實係送咗份耳目一新嘅聖誕禮物畀香港人喎。