「大儍」返嚟喇！艾拿迪斯因為以權謀私，搞到冇得做英格蘭國家隊領隊，不過，據報佢會喺嚟緊24小時內接掌水晶宮，代替被炒嘅柏度。水晶宮喺日前炒咗柏度，而且仲火速咁同大儍達成協議，大儍將會領軍至2019年。大儍失業一輪後終於有工返，不過，喺年尾流流食無情雞嘅柏度都唔算太慘，因為據報佢嘅「遣散費」就高達480萬鎊（約4,700萬港元）！