聖誕新年長假期唔想出埠同人迫？不如留喺香港玩，八方提議遠離市區入東涌，分分鐘撞到發哥周潤發（圖）㖭﹗八方老友噚日喺昂坪360撞到發哥，發哥好識揀呀，坐水晶車落山，飽覽沿路風景！
八方提提大家先，昂坪360明年1月9日開始停駛，進行更換纜索工程，預計出年6月先重開。香港人只要由𠵱家至明年1月8日期間，用正價買來回車飛或套票就有一張特惠卡，以100蚊優惠價買360大嶼山海陸導賞團，或以100蚊優惠價買2017年個人全年通。
唔知發哥係咪趁纜車未停駛特登去坐呢？八方老友話，發哥晏晝一點幾喺昂坪市集嗰邊上車，兩點左右就落咗山，睇佢一身行山look，相信發哥係朝早行上市集再坐車落山。