發展局去信立法會發展事務委員會,話同廣東省有關當局商議後,建議明年2月19至20日考察東江水。發展事務委員會有幾個民主派都冇回鄉證,包括民主黨涂謹申、社民連梁國雄同香港眾志羅冠聰等。
雖則之前中央放風話會向民主派發還回鄉證,而支聯會副主席蔡耀昌亦成功拎番,但八方問過幾位冇證議員,統統對北上視察東江水而去拎番回鄉證意欲不大,聰聰直言暫時冇計劃拎番回鄉證,長毛則話要先問咗發展局局長陳茂波仲當唔當佢係議員,「唔該佢講清楚先喇!」
點解長毛會咁講?皆因人大釋法後,陳茂波出席發展事務委員會時稱,政府正研究個別議員宣誓係咪無效,所以佢答有關議員問題並唔代表接納其宣誓有效喎。