賭王四房公子何猷君，自從承認同女子組合「少女標本」成員CoCo(袁紫僑)相戀後，佢哋都愛得好高調，除咗會喺社交網絡大晒恩愛外，日前仲俾《蘋果》影到佢哋拍住拖咁去銅鑼灣一蘭拉麵店食麵，認真sweet sweet！
其實「一蘭」拉麵店係日本好著名嘅拉麵店，自從3年前登陸香港後，好多藝人都會慕名而至，試吓香港同日本嘅有乜分別！
張智霖
13年，張智霖喺七夕當日，適值係張智霖嘅農曆生日，佢老婆袁詠儀就同佢去咗一蘭食拉麵慶祝，之後佢哋再有一次冒住三號風球再去食一蘭，睇嚟佢哋兩公婆都真係好鍾意食一蘭拉麵。
李克勤
去年6月，接受《蘋果》專訪時就講到佢同老婆盧淑儀點樣慶祝結婚八周年紀念，佢當時咁話：「少少門面嘢呢，都真係好少，哈哈！最多半夜打完波，去食碗一蘭咁囉。」而克勤亦曾喺微博貼咗佢去一蘭食麵嘅相。
鄭欣宜
日前先喺岑麗香婚禮接到花球嘅欣宜，事後佢就話結婚呢啲嘢冇得急，但講到食麵，欣宜就點夜都要去醫肚。去年11年，欣宜就被讀者爆相爆片咁影到佢一個人「夜麻麻」咁去銅鑼灣一蘭食拉麵。
傅明憲
一蘭拉麵登陸銅鑼灣後，傅明憲就急不及待咁凌晨四點幾都要去試食，佢就真係愛心爆棚，愛狗如命嘅傅明憲，亦有外帶一蘭拉麵同愛犬分享o添！
白雲
正同建築師老公江俊霖喺馬爾代夫度蜜月嘅白雲，佢都喺一蘭登陸香港時，即刻趕住去打卡，當時佢咁話：「港版的一蘭，終於吃到了，排了一小時，報紙上說繁忙時間要排5個小時！
何超蓮
去年6月，超蓮就俾周刊影到佢同好友馬天佑去咗銅鑼灣嘅一蘭食拉麵，雖然貴為賭王千金，但超蓮都要排隊先有得食㗎。