【銅鑼灣】已故慈善伶王新馬師曾（鄧永祥）的長子鄧兆尊，年屆49歲的他雖然不屬型英帥，但御女有術可以令三女共侍一夫，除有大婆Carmen和二奶車厘子左右逢源外，年前更遭母親、祥嫂洪金梅踢爆有揼骨妹三奶，坐享齊人之福。
一拖二現身
日前本報直擊到幸福肥有肚腩的兆尊陪二奶和三奶現身銅鑼灣，三人行到名店坊買聖誕禮物。神秘三奶原來不是青春少艾，外表看來年逾40歲，戴眼鏡、留短髮、身形圓潤外表似師奶，她入到名店後，很快便看中一件繡上孫悟空圖案的外套，之後跟車厘子商量揀甚麼顏色好，兩女似乎相處得好融洽。
揀完外套後，車厘子和三奶改去揀褲和裙，兆尊就全程做跟得「老公」，充滿耐性陪女人行街。其後三奶入試身室時，兆尊更在門外等候似站崗，而車厘子就繼續幫三奶揀衣服，最後三奶買了一件紅色孫悟空外套，由兆尊負責埋單，離開時三人有講有笑。
「家人見過晒」
此外，昨日亦有雜誌踢爆兆尊早前一拖三女行街，他接受本報電話訪問時表示：「其實好正常，話齊人之福係你哋講之嘛，有好多嘢順其自然，我啲屋企人都見過晒佢哋，都10幾年啦！」對於雜誌指兆尊特別寵愛三奶？他說：「係佢哋講箒，總之出街食飯好正常！」由於近年祥嫂和子女關係又決裂，祥嫂曾寸一拖三的兆尊：「帶晒出街慳時間。」對此兆尊笑笑口表示：「咁多謝佢啦！」
採訪、攝影：孔志豪、王梓嫚