21歲嘅賭王囝囝猷君，靚仔兼讀書叻，年紀細細，情史已經一大籮。而猷君過往大部份女友，家底都唔弱，其中今年4月先分手嘅新加坡富商女Kimmy，係西甲華倫西亞班主個女。至於現任女友袁紫僑(CoCo)，就家住貝沙灣，有錢程度係可以碌卡買跑車！
12年 初戀西班牙籍女友
猷君16歲時嘅初戀女友係西班牙、中國同威爾斯混血兒女友Francesca，Francesca家族大有來頭，除咗身家豐厚外，更系出名門，係西班牙駐港領事親屬，同猷君可謂門當戶對。2013年猷君仲帶佢到灣仔君悅酒店，同媽咪梁安琪出席倒數活動。
15年底 撻着西甲班主女
同Yumi分手後，猷君話咁快又有新戀情，新女友Kimmy同樣係新加坡籍，不過Kimmy係新加坡富商林榮福大女，爸爸身家估計有20億美元(約155億港元)，而熱衷足球嘅林爸爸，更成功收購西甲華倫西亞70.4%股份，成為此隊班主。
16年中 戀上富家女CoCo
猷君Kimmy拍拖未夠一年分手。今年10月，佢同「少女標本」成員袁紫僑(CoCo)喺海洋公園玩哈囉喂，令拍拖半年嘅戀情曝光，本身家境不俗嘅CoCo，父親喺大陸做生意，家住貝沙灣，據佢身邊嘅朋友話，CoCo嘅有錢程度，係可以碌咭買一架跑車！