近年百幾二百呎新劏盤一浪接一浪，係畸形嘅，但仍有價有市。以港台最新播出嘅《鏗鏘集》，迷你單位做Topic，第一個Case，就已充分解釋點解地產商樂於推出劏盤。「好開心架，如果早啲嘅話，呢度有啲陽光射入嚟，你就可以喺度『立食』埋」。呢位業主，能夠將「屋企冇位放餐枱」，換概念成有格調嘅「立食」。他朝有一日，如果有新盤，單位連床都唔夠位放，啲業主大可以同人講，「我呢啲唔係叫冇位，係小矮人主題概念房」。知足常樂，心中富有大概就係呢啲。
一如條片個業主咁講，「（樓價）係咁架啦」。然後嘗試去調整自己心態，以最積極樂觀態度，去接受扭曲畸形樓市。難怪地產商會有「空間有限，活出無限」「皇帝都係瞓一張床」去Sell；因為，香港好多人都「擁有正能量」。
《鏗鏘集》後半部又訪問咗另一位男士，佢講到依家地產商將豪宅劏房常態化，「難聽講，就係一場洗腦運動」。中唔中Point？你睇吓有幾多人最新衝去買新劏盤就明啦。
不過，睇睇查冊，其實這宗成交只是內部轉讓。單位原有兩人持有，1988年僅以約84萬元買入單位，直至上月政府加辣後，物業轉到其中一人手中，單位業權由兩人變一人，另一人變相除名。代理估計，業主除名後可能變首置客，買多層樓就能慳稅。
業界表示，自政府於2013年實施雙倍印花稅（DSD）後，市民購買第二層住宅，便須支付8.5%重稅，政府更於上月再出招，買第二層的印花稅增加至劃一15%，令到本身已樓人士想盡方法除名變「首置客」。假設上述太古城業主是兩公婆，有需要買多層樓，但又唔想蝕畀政府，最簡單的方法，就是其中一人除名，變相拆解政府辣招。
不過，單位作內部轉讓仍須就交易金額支付釐印費，不是沒有成本。以今次單位為例，成交價600萬元，正常須支付18萬元釐印費。可是，若成交價離奇偏低，稅局有可能會向有關人士追收物業市價的應繳釐花費。