要數本港最資深馬主，好容易聯想到「惑」系馬主許世勳，雖然近年甚少入場，但聽許家一位近親透露，許老先生好想盡快贏夠100場，成為首位在港贏100場頭馬的馬主，而今期谷草夜賽就有一匹許世勳旗下馬出征，呢匹就係初出角逐第三場四班1200米的「獻惑」。
先講講歷史，許世勳早於50年代已開始養馬，59年更以「迷惑」勝出打吡，隨後50多年養馬無數且普遍唔錯。
到11月20日就憑另一匹現役馬「翔惑」已經贏咗97場，可能呢單嘢馬會CEO應家柏都有留意，所以馬會官方網站都好着緊，連卅幾年前服役的「狂惑」，甚至唯一一匹馬名為非「惑」字嘅「佔先」都列出於網站內的文章之內，務求盡量做到最詳盡，向呢位行年90有多嘅馬主致敬。
若然今仗「獻惑」一出贏到，贏夠100場呢個宏願又可再行前一步！